მშენებლობამ, არსებობის ისტორიის მანძილზე, განვითარების არაერთი ეტაპი გაიარა. თანამედროვე პირობებში სულ უფრო იხვეწება მშენებლობის მეთოდები, რასაც ხელს უწყობს მაღალტექნოლოგიური სამშენებლო მასალებისა და დამხმარე ხელსაწყოების მწარმოებელი კომპანიების განვითარება. საბოლოო ჯამში, ყველას ეს მეთოდი, ადამიანებისათვის ჯანსაღი გარემოს შექმნასა და კომფორტს ემსახურება.

დღეს, შენობის გაგება იმაზე მეტია, ვიდრე უბრალოდ კედლები და სახურავი. სხვადასხვა დანიშნულების მიუხედავად – იქნება ეს საცხოვრებელი სახლი, სამრეწველო ობიექტი თუ ოფისი, თანამედროვე შენობას მოეთხოვება იყოს მაღალტექნოლოგიური, ენერგოეფექტური და კომფორტული.